अवकाळी पावसामुळे मेट्रो दोन तास ठप्प

अवकाळी पावसामुळे मेट्रो दोन तास ठप्प

मुंबई, ता. १३ : अचानक आलेल्या पावसाचा आज घाटकोपर-वर्सोवा मार्गावर धावणाऱ्या मेट्रो वनला फटका बसला. वादळी वाऱ्यामुळे उडून आलेला भलामोठा कपडा विमानतळ मेट्रो स्थानकातील ओव्हरहेड वायरमध्ये अडकल्याने जवळपास दोन तास वाहतूक ठप्प झाल्याने घराच्या दिशेने निघालेल्या प्रवाशांची चांगलीच कोंडी झाली. सायंकाळी चार वाजताच्या सुमारास वादळी वाऱ्यासह पावसाला सुरुवात झाल्याने झोपडपट्टी परिसरात घराच्या छतावर टाकलेला कपडा उडून स्थानकाच्या ओव्हरहेड वायरवर पडला. त्यामुळे ४.२५ वाजल्यापासून खबरदारीचा उपाय म्हणून वाहतूक थांबवण्यात आली होती. मेट्रोच्या आपत्कालीन कर्मचाऱ्यांनी तो कपडा काढल्यावर सायंकाळी ६.२० च्या सुमारास वाहतूक पूर्ववत झाली. याबाबत मेट्रो-वन प्रशासनाकडे विचारणा केली असता वाहतूक अवघ्या दहा मिनिटांत सुरू झाल्याचे सांगितले.