उरण रेल्वे स्थानकाजवळ अपघात; तिघे गंभीर

उरण रेल्वेस्थानकाजवळ अपघात; तिघे गंभीर जखमी

उरण, ता. १५ (वार्ताहर) : उरण रेल्वेस्थानकाजवळील रस्त्यावरून उरण शहराच्या दिशेने जाणाऱ्या कारने रिक्षा आणि दुचाकीला धडक दिल्याने बुधवारी (ता. १५) तिघे जण जखमी झाले. या अपघाताची माहिती मिळताच उरण पोलिसांनी घटनास्थळी धाव घेऊन वाहतूक सुरळीत केली. अपघातातील जखमींवर उरण शहरातील पालवी रुग्णालयात, इंदिरा गांधी ग्रामीण रुग्णालयात व वाशी येथील रुग्णालयात उपचार सुरू आहेत.
नवी मुंबई-उरण ही रेल्वे सेवा सुरू झाल्याने उरण-बोकडवीरा या रस्त्यावर प्रचंड गर्दी असते. त्यामुळे अपघातांचेही प्रमाण वाढले आहे. नुकतीच जय घरत या युवकाने दोन दाम्पत्यांना चिरडल्याची घटना घडली होती. त्या दाम्पत्याची घटना ताजी असतानाच बुधवारी (ता. १५) उरण रेल्वेस्थानकाजवळील कारने रिक्षा आणि दुचाकीला उडवले. त्यामुळे या अपघात तिघे जण गंभीर जखमी झाले आहेत.
या अपघातात रिक्षाचालक सूरज ठाकूर, देव रुपेश ठाकूर, दुचाकीस्वार सोहेल सोंडे हे तिघे जण गंभीर जखमी झाले आहेत.
MUM24E53165