- विशेष ट्रॅफिक आणि पॉवर ब्लॉक !

मध्य रेल्वेचा विशेष ट्रॅफिक आणि पॉवर ब्लॉक

प्रगती, इंटरसिटी, तपोवन एक्स्प्रेस आणि वंदे भारत ट्रेन रद्द

सकाळ वृत्तसेवा
मुंबई, ता. २१ : छत्रपती शिवाजी महाराज टर्मिनसच्या फलाट क्रमांक १० व ११च्या विस्तारासाठी मध्य रेल्वेकडून बुधवारी (ता. २२) ते शुक्रवारी (ता. २४) पर्यंत रात्रकालीन विशेष ट्रॅफिक आणि पॉवर ब्लॉक घेण्यात येणार आहे. या ब्लॉकदरम्यान अभियांत्रिकी - विद्युतीकरणासंबंधित इंटरलॉकिंग कामे पूर्ण करण्यात येणार आहे. त्यामुळे लोकल आणि मेल-एक्स्प्रेसच्या वाहतुकीत बदल करण्यात आला आहे. तसेच प्रगती एक्स्प्रेस, इंटरसिटी एक्स्प्रेस, तपोवन एक्स्प्रेस आणि वंदे भारत ट्रेन रद्द करण्यात आल्या आहेत. विशेष म्हणजे शनिवार, १ जून २०२४ पर्यंत दररोज रात्री विशेष ब्लॉक असणार आहे.

...
स्थानक - सीएसएमटी ते भायखळा
मार्ग : अप धीमा, अप-डाऊन जलद, यार्ड मार्गिका, फलाट १० -१८ दरम्यान सर्व मार्गिका
वेळ : रात्री १२.३० ते पहाटे ४.३० वाजेपर्यंत (रोज रात्री ४ तास)

...
२२ ते ३१ मेदरम्यान बाधित होणाऱ्या लोकल-मेल/एक्स्प्रेस
मुंबई उपनगरी रेल्वे गाड्यांवरील परिणाम
- सीएसएमटीहून मध्यरात्री १२.१४ कसारा ही शेवटची लोकल
- कल्याणहून रात्री १०.३४ सीएसएमटी लोकल ही शेवटची लोकल
- सीएसएमटीहून पहाटे ४.४७ कर्जत ही पहिली लोकल
- ठाण्याहून पहाटे ४ सीएसएमटी ही पहिली लोकल
- ब्लॉक वेळेत भायखळा ते सीएसएमटीदरम्यान लोकल

................
२८ ते ३१ मेदरम्यान या मेल-एक्स्प्रेस गाड्या रद्द
सीएसएमटी-पुणे प्रगती एक्स्प्रेस, पुणे- सीएसएमटी इंटरसिटी एक्स्प्रेस, नांदेड- सीएसएमटी तपोवन एक्स्प्रेस, साईनगर शिर्डी-सीएसएमटी वंदे भारत एक्स्प्रेस या गाड्या रद्द असणार आहेत.
..........
दादर स्थानकात अंशत: रद्द करण्यात येणाऱ्या मेल-एक्स्प्रेस
लखनौ-सीएसएमटी पुष्पक एक्स्प्रेस, अमृतसर-सीएसएमटी एक्स्प्रेस, भुवनेश्वर-मुंबई कोणार्क एक्स्प्रेस, हावडा-सीएसएमटी, मडगाव-सीएसएमटी जनशताब्दी एक्स्प्रेस, मडगाव-सीएसएमटी तेजस एक्स्प्रेस, मंगलोर जंक्शन-सीएसएमटी एक्स्प्रेस, हैदराबाद-सीएसएमटी हुसेन सागर एक्स्प्रेस, होसा पेटे जंक्शन-सीएसएमटी एक्सप्रेस, साईनगर शिर्डी-सीएसएमटी वंदे भारत एक्स्प्रेस, हावडा-सीएसएमटी सुपरफास्ट एक्स्प्रेस या गाड्या दादर स्थानकात अंशत: रद्द करण्यात आल्या आहेत
------------
पनवेल, ठाणे स्थानकात रद्द
अमरावती-सीएसएमटी एक्स्प्रेस ठाणेपर्यंत चालविण्यात येणार आहे; तर मडगाव-सीएसएमटी मांडवी एक्स्प्रेस पनवेलपर्यंतच चालविण्यात येणार आहे.
---------
दादरहून सुटणाऱ्या रेल्वेगाड्या
सीएसएमटी-चेन्नई सुपरफास्ट एक्स्प्रेस, सीएसएमटी-अमृतसर एक्स्प्रेस, सीएसएमटी-मडगाव वंदे भारत एक्स्प्रेस, सीएसएमटी-वाराणसी महानगरी एक्स्प्रेस, सीएसएमटी-मडगाव जनशताब्दी एक्स्प्रेस या गाड्या दादर; तर सीएसएमटी-मडगाव कोकणकन्या एक्स्प्रेस पनवेलमधून सुटणार आहे.

..
प्रवाशांना रेल्वेचे आवाहन
विशेष ट्रॅफिक आणि पॉवर ब्लॉकमध्ये मुंबई-पुणे इंटरसिटी, प्रगती एक्स्प्रेस चार दिवस रद्द राहणार आहे. छत्रपती शिवाजी महाराज टर्मिनस ते मडगाव कोकणकन्या एक्स्प्रेस, बुधवारीपासून (ता. २२) मे महिनाअखेरपर्यंत पनवेलहून धावणार आहे. यामुळे सीएसएमटीहून रात्रीच्या वेळेस मेल-एक्स्प्रेसने प्रवास करणाऱ्या प्रवाशांनी गाड्यांचे वेळापत्रक आणि बदल पाहूनच प्रवासाचे नियोजन करावे, असे आवाहन मध्य रेल्वेने केले आहे.