‘प्रोबेस’स्फोटाची पुन्हा पुनरावृत्ती

कल्याण, ता. २३ (वार्ताहर) : डोंबिवलीतील प्रोबेस कंपनीत १६ मे २०१६ रोजी झालेल्या स्फोटात १२ जणांचा मृत्यू झाला होता; तर दोनशेच्या वर नागरिक जखमी झाले होते. या दुर्घटनेत करोडो रुपयांच्या मालमत्तेचे नुकसान झाले होते. स्फोटातील नुकसान झालेल्या मालमत्ताधारकांना आणि जायबंदी झालेल्या जखमींना आजतागायत नुकसानभरपाई मिळालेली नाही. तसेच स्फोटाच्या चौकशीसाठी नेमलेल्या समितीच्या अहवालातील सूचनांकडे दुर्लक्षामुळे त्याच घटनेची पुनरावृत्ती डोंबिवली एमआयडीसी फेज दोनमधील अंबर केमिकल्समध्ये झाल्याचे दिसत आहे.