संयुक्त जयंतीनिमित्त विविध कार्यक्रमाची मेजवानी

संयुक्त जयंतीनिमित्त विविध कार्यक्रम
शिवडी, ता. २९ (बातमीदार) ः सम्यक सेवा संघाच्या माध्यमातून भगवान गौतम बुद्ध आणि डॉ. बाबासाहेब आंबेडकर यांची संयुक्त जयंती नुकतीच शिवडी येथील परिवार साफल्य गृह संस्था येथे साजरी करण्यात आली. वैशाख पौर्णिमेच्या निमित्ताने सामूहिक धम्मवंदना घेण्यात आली. समाजसेविका ॲड. कोकिला लोखंडे यांच्या वतीने उपस्थितांना खिरदान करण्यात आले. तसेच धम्म, आंबेडकरी चळवळ व देशातील आजची एकंदरीत परिस्थिती यावर चर्चा, विचारमंथन झाले. संघाच्या माध्यमातून महिलांसाठी ‘खेळ खेळूया पैठणीचा’ या रंगतदार कार्यक्रमाचे आयोजन केले होते. मराठी-हिंदी भीमगीतांचा ‘भीम मॅलोडीज’ या ऑर्केस्‍ट्राचा उपस्‍थितांनी मनमुराद आनंद लुटला. अध्यक्ष संदीप गांगुर्डे यांच्या हस्ते परिवार साफल्य गृहसंस्थेला ऑक्सिजन कॅन्सरेशन मशीन भेट देण्यात आली. तसेच डॉ. बाबासाहेब आंबेडकर या विषयावर बहुपर्यायी प्रश्नावली स्पर्धेचे आयोजन केले होते. यामध्ये रूपाली कांबळे हिने प्रथम क्रमांक पटकावला.