बेस्ट बसेस पूर्ववत

खैरानी रोडमार्गे जाणाऱ्या बेस्ट पूर्ववत
घाटकोपर, ता. ४ (बातमीदार) ः अंधेरी-लिंक रोड आणि जंगलेश्वर महादेव मंदिर रोड यांना जोडणाऱ्या पुलाचे जांभूळपाडा येथील काम पूर्ण झाल्यामुळे मंगळवारपासून (ता. ४) या मार्गावरून धावणाऱ्या ४१९, ४२१ आणि ४२७ या क्रमांकाच्या बस खैरानी रोडमार्गे पूर्ववत सुरू करण्यात आल्या आहेत. या बस २० डिसेंबरपासून सदर पुलाचे काम चालू असल्यामुळे साकीनाकामार्गे वळवण्यात आल्या होत्या. २० डिसेंबर ते १५ फेब्रुवारी या दरम्यान हा मार्ग जांभूळपाडा येथील पुलाच्या कामासाठी अप दिशेने बंद करण्यात आल्याची माहिती महापालिका आणि बेस्ट प्रशासनाने दिली होती, पण प्रत्यक्षात या कामाला सहा महिने उलटून गेले. आता हा मार्ग बेस्ट वाहतुकीसाठी पूर्ववत करण्यात आला आहे. घाटकोपर रेल्वेस्‍थानकावरून फिल्टर पाडा, चांदिवली आणि संघर्ष नगरकडे जाणाऱ्या बस आता पूर्वीप्रमाणे खैरानी रोडमार्गे नियमितपणे सुरू करण्यात आल्याची माहिती बेस्ट वाहतूक विभागाकडून देण्यात आली.