टँकरच्या धडकेत दुचाकीस्वार जखमी

मनोर, ता. ३ : मुंबई-अहमदाबाद महामार्गावर मस्तान नाका उड्डाणपुलाखाली टँकर चालकाने दुचाकीला धडक दिली. या अपघातात दुचाकीस्वार गंभीर जखमी झाला आहे. अपघातात दुचाकीवरून गावोगाव फिरून गावरान कोंबड्या खरेदी करणारा जुनेद रौफ खाकर (रा. मालेगाव) टँकरखाली आल्याने गंभीर जखमी झाला आहे. त्याला उपचारासाठी मनोर गावातील खाजगी रुग्णालयात दाखल करण्यात आले आहे. रविवारी (ता. ३०) सकाळी साडेदहाच्या सुमारास अपघात झाला होता. अपघात प्रकरणी टँकर चालकांवर गुन्हा दाखल करण्यात आला आहे.