रिक्षात सापडलेले दागिने मिळाले

वाहतूक पोलिसाच्या तत्‍परतेमुळे
रिक्षात सापडलेले दागिने मिळाले
कांदिवली, ता. २ (बातमीदार)ः बोरिवली पश्चिमेला योगीनगर ते शिवाजीनगर दरम्यान रिक्षात प्रवास करताना साधना श्रीपाद खांडेकर या दागिन्यांची पिशवी रिक्षात विसरल्‍या होत्‍या. ही बाब लक्षात येताच त्‍यांचे नातेवाईक ऋग्वेद फडके यांनी तातडीने एम. एच. बी. पोलिस ठाण्यात याबाबतची माहिती दिली. वाहतूक पोलिस राहुल जाधव यांनी रिक्षाचा शोध घेऊन एका तासात दागिन्यांची पिशवी नातेवाईकांच्या स्वाधीन केली. या विसरलेल्या बॅगमध्ये सोन्याचे मंगळसूत्र, कानातील रिंग आणि अन्य छोटे दागिने असा एकूण २ लाख २२ हजार रुपये किमतीचा ऐवज होता. या कामगिरीबद्दल राहुल जाधव यांचे खांडेकर कुटुंबीयांनी आभार मानले. ही दागिन्यांची बॅग फडके यांच्या स्वाधीन करण्यात आली. या वेळी एम.एच.बी. पोलिस ठाण्याचे पोलिस निरीक्षक सचिन शिंदे, पोजिस उपनिरीक्षक मंगेश किरपेकर आदी उपस्‍थित होते.