विक्रमगडवर प्राध्यापकांचे लाक्षणिक उपोषण
विक्रमगडवर प्राध्यापकांचे लाक्षणिक उपोषण
विक्रमगड, ता. २ (बातमीदार) : संजीवनी ग्रामीण वैद्यकीय व सामाजिक सहायता प्रतिष्ठान संचालित कला, वाणिज्य व विज्ञान महाविद्यालय ओंदे-विक्रमगड येथे प्राध्यापकांचे लाक्षणिक उपोषण सुरू आहे. या ठिकाणी गेल्या कित्येक वर्षांपासून प्राध्यापक आणि कर्मचाऱ्यांवर संस्थेकडून मानसिक छळ, आर्थिक शोषण आणि दहशत पसरवून चुकीची कामे करून घेतली जात आहेत, तसेच विद्यापीठाच्या नियमांनुसार परीक्षेचे मानधन कित्येक वर्षे न देता त्यामध्ये अपहार करण्याचा प्रकारही घडला आहे. या सर्व प्रकाराविरोधात सोमवारी (ता. १) प्राध्यापक संघटनेने लाक्षणिक उपोषण केले.
महाविद्यालयातील बहुसंख्य विद्यार्थी आदिवासी आहेत, मात्र येथील भ्रष्टाचारामुळे त्यांच्या शिक्षणावर विपरीत परिणाम होत असल्याचा आरोपही प्राध्यापक संघटनेकडून करण्यात आला आहे. या अन्यायाविरुद्ध दाद मागण्यासाठी महाराष्ट्र धर्मनिरपेक्ष संघटनेचे अध्यक्ष डॉ. विजय पवार, उपाध्यक्ष डॉ. शशिकांत माघाडे, सचिव डॉ. निर्मला पवार, डॉ. विजय कांबळे, डॉ. संदेश डोंगरे, डॉ. काळूसे यांनी आंदोलनाला भेट दिली. या आंदोलनाला जिल्ह्यातील सामाजिक संस्था, राजकीय पदाधिकारी, शिक्षणप्रेमी आणि नागरिकांनी भेट देऊन या उपोषणाला जाहीर पाठिंबा दिला आहे.
MUM24E57242
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.