वीजबिलामध्ये सवलत द्यावी

वीजबिलामध्ये सवलत द्यावी
शिवसेना ठाकरे गटाचे घाटकोपरला आंदोलन
घाटकोपर, ता. २ (बातमीदार) ः अवाढव्य वीजबिल दरवाढीविरोधात शिवसेना ठाकरे गटाने मंगळवारी (ता. २) घाटकोपर पश्‍चिमेत आंदोलन केले. महागाईसह बेरोजगारी वाढली आहे. त्यात अवाढव्य येणारे वीजबिल सामान्य भरू शकत नाहीत. त्यामुळे राज्य सरकारने विविध शहरी भागातील गरीब वस्त्यांमध्ये राहणाऱ्या लोकांना ३०० युनिटपर्यंत वीज मोफत द्यावी, वीजबिलात सवलत द्यावी, अशी मागणी यावेळी करण्यात आली.
शेतकऱ्यांना वीजबिलात सवलत देणारे राज्यातील महायुती सरकार शहरी भागात राहणाऱ्या मध्यमवर्गीय लोकांना सवलत देत नाही, असा आरोप शिवसैनिकांनी यावेळी केला. घाटकोपर पश्चिम वेलकम हॉटेल येथे ठाकरे गटाचे विभागप्रमुख सुरेश पाटील, विभाग संघटिका प्रज्ञा सकपाळ यांच्या नेतृत्‍वाखाली अनेक पदाधिकारी, शिवसैनिक आंदोलनात सहभागी झाले होते.