कार मालकावर मनुष्यवधाचा गुन्हा

कार मालकावर मनुष्यवधाचा गुन्हा

मुंबई ः रस्त्याच्या कडेला पार्क केलेल्या कारमध्ये दोघा भावंडांचा गुदमरून मृत्यू झाला होता. अँटॉप हिल परिसरात घडलेल्या या घटनेचा न्याय वैद्यक प्रयोगशाळेच्या रासायनिक विश्लेषण अहवालावरून पोलिसांनी कारमालक संतोष पांडेवर सदोष मनुष्यवधाचा गुन्हा नोंदवला आहे.
वाहन खरेदी-विक्रीचा व्यवसाय करणाऱ्या पांडे याने २०१६ पासून त्याची मर्सिडीज कार एकाच ठिकाणी उभी करून ठेवली होती; पण सुरक्षेच्या दृष्टिकोनातून कारचे दरवाजे लॉक केले नसल्यामुळे २४ एप्रिलला साजिद (७) आणि त्याची बहीण मुस्कानचा (५) गुदमरून मृत्यू झाला होता. या घटनेनंतर शवविच्छेदनात मृत्यूचे नेमके कारण स्पष्ट झाले नसल्याने रक्ताचे नमुने रासायनिक विश्लेषणासाठी न्यायवैद्यक प्रयोगशाळेकडे पाठवण्यात आले होते. त्यानुसार अहवालात बंद कारमध्ये गुदमरून या बालकांचा मृत्यू झाल्याचे स्पष्ट झाले आहे. त्यामुळे पोलिसांनी पांडेविरोधात सदोष मनुष्यवधाचा गुन्हा नोंदवला आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com