सहायक अभियंत्यांना पदोन्नतीची प्रतिक्षा

मुंबई ः महापालिकेच्या विविध विभागांत कार्यरत असणाऱ्या सहायक अभियंता पदोन्नतीसाठी पात्र असताना बढतीच्या प्रतीक्षेत आहेत. या प्रश्नाविषयी पालिका प्रशासन गंभीर नसल्याने शंभरहून अधिक सहायक अभियंत्यांनी प्रशासनाकडे नाराजी व्यक्त केली आहे.
मुंबई पालिकेतील सहायक अभियंता ठराविक सेवा कालावधीनंतर कार्यकारी अभियंतापदासाठी पात्र ठरतात; परंतु सहायक अभियंतापदाचा बढतीसाठी आवश्यक कालावधी पूर्ण केल्यानंतरही तब्बल शंभरहून अधिक अभियंते प्रतीक्षेत आहेत. पालिका प्रशासनाकडे वारंवार पाठपुरावा करूनही दुर्लक्ष होत असल्याने नाराजी अभियंत्यांनी व्यक्त केली आहे. तसेच अतिरिक्त आयुक्त सैनी यांच्याकडून कोणतीही बैठक झाली नसल्याने अभियंत्यांमध्ये नाराजी आहे.