सरळगाव येथे डॉक्टरच्या वाहनावर गोळीबार

सरळगाव येथे डॉक्टरच्या वाहनावर गोळीबार

मुरबाड, ता. ५ (बातमीदार) : मुरबाड-कल्याण या राष्ट्रीय महामार्गावरील सरळगाव येथे एका डॉक्टरच्या कारवर एकाने गोळीबार केल्याने घटना घडली. या घटनेचे सीसीटीव्ही फुटेज पोलिसांच्या हाती लागले आहे. बुधवारी (ता. ३) पहाटे साडेतीन वाजण्याच्या सुमारास ही घटना घडली. याप्रकरणी डॉ. रवी शंकर पाल यांनी गुरुवारी मुरबाड पोलिस ठाण्यात गोळीबाराची तक्रार दिली. दरम्यान, अशा प्रकारे वाहनावर गोळीबार करत डॉक्टर व व्यावसायकांमध्ये भीतीचे वातावरण निर्माण करण्याची अथवा खंडणी मागण्याच्या हेतूचे किंवा कोणता वैयक्तिक वाद असण्याचे कारण असू शकते का? याबद्दल मुरबाड पोलिस ठाण्याचे वरिष्ठ पोलिस निरीक्षक प्रमोद बाबर तपास करत आहेत.