मुसळधार पावसामुळे साकीनाका जलमय

मुसळधार पावसामुळे साकीनाका जलमय

मुसळधार पावसामुळे साकीनाका जलमय
वाहनांचे, घरातील साहित्‍याचे नुकसान
घाटकोपर, ता. ८ (बातमीदार) ः रविवारी रात्री झालेल्या मुसळधार पावसामुळे साकीनाका जंक्शनजवळ मोठ्या प्रमाणात पाणी साचल्याने संपूर्ण परिसर जलमय झाला होता. पावसाचा जोर वाढल्याने आजूबाजूच्या परिसरात पाणी शिरले. त्यामुळे झोपेत असणाऱ्या लोकांमध्ये घबराट पसरली.
परिसरातील चाळीमध्ये आणि घरात पाणी शिरल्याने रहिवाशांचे मोठ्या प्रमाणात हाल झाले. येथून वाहणारे नाले तुडुंब भरल्याने सुमारे सहा ते सात फुटांपर्यंत पाण्याची पातळी वाढली होती. घरांतील साहित्‍य, दुकानदारांच्या मालाचे अतोनात नुकसान झाले. पाण्याचा जोर इतका होता की, रस्त्याच्या कडेला उभ्या असलेल्या सुमारे पंचवीस ते तीस चारचाकी, दहा-पंधरा दुचाकी वाहने एकमेकांवर आदळून त्‍यांचे नुकसान झाले.
हा भाग सखल असून येथील नाले कचऱ्याने भरलेले असतात. जेसीबीच्या साह्याने ते अनेक वेळा साफ केले जातात; परंतु कायमस्वरूपी उपाययोजना केल्‍या जात नाहीत, असे रहिवाशांचे म्हणणे आहे.

२६ जुलैच्या पुरानंतर आता दुकानात पाणी शिरले. या भागात आमची दोन दुकाने आहेत. सामान पाण्यामध्ये भिजल्यामुळे सुमारे पंधरा ते वीस लाख रुपयांचे नुकसान झाले.
- सुरज चौधरी,
इलेक्ट्रिक्स, हार्डवेअर सामानाचे विक्रेते

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com