बेलापूर रेल्वे स्थानकात लोकलखाली आलेल्या महिलेचे दोन्ही पाय झाले निकामी

बेलापूर रेल्वे स्थानकात लोकलखाली आलेल्या महिलेचे दोन्ही पाय झाले निकामी

लोकलखाली आल्याने महिलेचे पाय निकामी
बेलापूर स्थानकातील घटना

नवी मुंबई, ता. ८ (वार्ताहर) : चक्कर येऊन रेल्वे रुळांवर पडलेली विवाहित महिला लोकलखाली आल्याने तिचे दोन्ही पाय कापले गेल्याची घटना सोमवारी (ता. ८) सकाळी सीबीडी बेलापूर रेल्वेस्थानकात घडली. रोहिणी राजेश बोटे (वय २०) असे या विवाहितेचे नाव असून तिच्यावर बेलापूर येथील एमजीएम रुग्णालयात उपचार सुरू आहेत.
या घटनेतील जखमी विवाहिता तळोजा येथे राहण्यास असून ती सोमवारी सकाळी आपल्या कामावर जात होती. त्यासाठी ती सकाळी १० वाजण्याच्या सुमारास सीबीडी-बेलापूर रेल्वेस्थानकात आली होती. या वेळी पनवेल येथून ठाण्याला जाणारी १०.३ वाजताची लोकल फलाटावर येत असताना रोहिणीला अचानक चक्कर आल्याने ती रेल्वे रुळांवर पडली आणि लोकलच्या खाली सापडून गंभीर जखमी झाली. लोकलच्या चाकाखाली आल्याने तिचे दोन्ही पाय कापले गेले. तिला बाहेर काढून एमजीएम रुग्णालयात दाखल करण्यात आले. महिलेला अचानक चक्कर येऊन ती रेल्वे रुळांवर पडल्याने ही दुर्घटना घडल्याचे पनवेल रेल्वे पोलिसांनी सांगितले. या दुर्घटनेमुळे ठाणे लोकल १५ मिनिटे अडकून पडल्याने पनवेल येथून मुंबई-ठाण्याच्या दिशेने जाणारी लोकल सेवा विस्कळित झाली होती.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com