गुरचरण जमिनींवरील हाॅटेल्स, गाळे जमीनदोस्त

गुरचरण जमिनींवरील हाॅटेल्स, गाळे जमीनदोस्त

टिटवाळा ता. ९ (बातमीदार) : कल्याण-मुरबाड रस्त्यावरील गोवेली येथील गुरचरण जमिनींवर उभारलेले बेकायदा हाॅटेल्स, व्यापारी गाळे, अशी एकूण २१ हून अधिक बेकायदा बांधकामे महसूल विभागाच्या पथकाने शनिवारी (ता. ६) जेसीबीच्या आणि तोडकाम पथकाच्या सहाय्याने भुईसपाट केली. बांंधकामधारकांना महसूल विभागाने पूर्वसूचना नोटिसा दिल्या होत्या. मुख्य वर्दळीचे रस्ते अडवून ही बेकायदा बांधकामे केली होती. गुरचरण जमिनीवरील सर्व बेकायदा बांधकामे जमीनदोस्त करण्याचे आदेश सर्वोच्च न्यायालयाने एका प्रकरणात राज्य सरकारला दिले आहेत.

राज्य सरकारच्या आदेशावरून ही कारवाई केली जात आहे. जिल्हाधिकारी अशोक शिनगारे यांनी कल्याणचे तहसीलदार सचीन शेजाळ यांना गोवेली येथील गुरचरण जमिनीवरील बेकायदा बांधकामे जमीनदोस्त करण्याचे आदेश दिले होते. या आदेशाप्रमाणे तहसीलदार शेजाळ यांच्या नेतृत्वाखाली नायब तहसीलदार सत्यजित चव्हाण, म्हारळच्या मंडळ अधिकारी प्रीती घुडे, नडगावच्या मंडळ अधिकारी दर्शना भावे, टिटवाळ्याचे चेतन पष्टे, टिटवाळा पोलिस ठाण्याचे वरिष्ठ पोलीस निरीक्षक जितेंद्र ठाकूर यांच्या उपस्थितीत गुरचरण जमिनीवरील २१ व्यापारी गाळे, हाॅटेल्स जेसीबीच्या सहाय्याने तोडून टाकण्यात आली.

कल्याण तालुक्यात गुरचरण जमिनीवर जेथे व्यापारी गाळे, हाॅटेल्स आहेत, अशी ठिकाणे निश्चित करून त्यांना नोटिसा देऊन ती बेकायदा बांधकामे तोडण्यात येणार आहेत.
सचीन शेजाळ, तहसीलदार, कल्याण.


फोटो ओळ
गोवेली येथील गुरचरण जमिनीवरील अनधिकृत बांधकामे तोडली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com