विद्याभवनचे शिष्यवृत्ती परीक्षेच्या गुणवत्ता यादीत झळकले सर्वाधिक ९१ विद्यार्थी

विद्याभवनचे शिष्यवृत्ती परीक्षेच्या गुणवत्ता यादीत झळकले सर्वाधिक ९१ विद्यार्थी

विद्याभवनचे विद्यार्थी गुणवत्ता यादीत झळकले
घाटकोपर, ता. ९ (बातमीदार) ः महाराष्ट्र राज्य परीक्षा परिषद, पुणे यांच्या मार्फत फेब्रुवारी-२०२४ रोजी घेतलेल्या पूर्व उच्च प्राथमिक (इयत्ता पाचवी) व पूर्व माध्यमिक शिष्यवृत्ती (इयत्ता आठवी) परीक्षेत पुणे विद्यार्थी गृह संस्थेच्या विद्याभवन शालेय संकुल, घाटकोपरमधील पाचवीचे ४५, आठवीचे ४६, असे एकूण ९१ विद्यार्थी शिष्यवृत्ती मिळवून गुणवत्ता यादीत झळकले आहेत. मराठी माध्यमाचा आठवीचा विद्यार्थी तन्मय अमित पळसकर हा २२० गुण मिळवून मुंबईत सातवा, ईश्वरी श्रीधर एरंडे हिने २१८ गुण मिळवून मुंबईत ५७ वी येण्याचा मान पटकावला आहे, तसेच इंग्रजी माध्यमाचा आठवीतील शुभम विजय शिंदे हा १९६ गुण मिळवून मुंबईत ४५ वा, पाचवीतील लक्ष रमेश पाशकांती आणि कौस्तुभ संतोष नलावडे या दोघांनीही २१४ गुण मिळवून मुंबईत ७१ वा येण्याची कामगिरी केली. संपूर्ण घाटकोपर विभागातून मराठी व इंग्रजी माध्यमांच्या शाळांपैकी विद्याभवन शाळेचे सर्वाधिक विद्यार्थी गुणवत्ता यादीत झळकले आहेत. विद्यार्थ्यांना पुणे विद्यार्थी गृह संस्थेचे कार्याध्यक्ष राजेंद्र बोऱ्हाडे यांनी शुभेच्छा दिल्या आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com