म्हाडाच्या ई-लिलावातील अर्जदारांना 
आजपासून गाळ्याचे देकरपत्र मिळणार

म्हाडाच्या ई-लिलावातील अर्जदारांना आजपासून गाळ्याचे देकरपत्र मिळणार

म्हाडाच्या ई-लिलावातील अर्जदारांना
आजपासून गाळ्याचे देकारपत्र मिळणार
सकाळ वृत्तसेवा
मुंबई, ता. ९ : म्हाडाच्या मुंबई मंडळातर्फे मुंबईतील विविध वसाहतींमधील १७३ व्यावसायिक गाळ्यांच्या विक्रीसाठी राबविलेल्या ई-लिलावातील यशस्वी ठरलेल्या ११२ अर्जदारांना बुधवारपासून (ता. १०) तात्पुरते देकारपत्र देण्यात येणार आहे. तसेच ई-लिलावात लावलेल्या बोलीच्या दहा टक्के रक्कम भरल्यानंतर उर्वरित रकमेसाठी कर्ज घेण्यासाठी अर्जदारांना ना-हरकत प्रमाणपत्र दिले जाणार आहे.
म्हाडाने व्यावसायिक गळ्यांच्या विक्रीसाठी नुकताच ई-लिलाव काढला होता. त्यामध्ये १७३ गाळ्यांपैकी ११२ अर्जदारांनी यशस्वी बोली लावली होती. त्यांना बुधवारपासून तात्पुरते देकारपत्र दिले जाणार आहे. दरम्यान, या ई-लिलावातील यशस्वी अर्जदारांच्या स्वीकृतीसाठी दहा दिवसांचा अवधी देण्यात आला. मुंबई मंडळातर्फे १७३ अनिवासी गाळयांच्या ई-लिलावाद्वारे विक्रीसाठी मार्चमध्ये जाहिरात प्रसिद्ध करण्यात आली व निकाल २८ जून रोजी जाहीर झाला. त्याअनुषंगाने ११२ गाळ्यांसाठी ६०४ अर्जदारांनी विहित अनामत रकमेचा भरणा करीत लिलावात बोली लावली. ६१ अनिवासी गाळ्यांना अर्जदारांचा शून्य प्रतिसाद मिळाला. मंडळातर्फे १७३ अनिवासी गाळ्यांसाठी ९७.७४ कोटी रुपये बोली निश्चित करण्यात आली होती.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com