बांधकामासाठीच्या खड्ड्यात तरुणाचा मृत्यू

बांधकामासाठीच्या खड्ड्यात तरुणाचा मृत्यू

नवी मुंबई, ता. ९ (वार्ताहर) ः जुईनगर सेक्टर-२३ मध्ये राहणाऱ्या राज सनगरे (२८) या तरुणाचा इमारतीच्या बांधकामासाठी खोदलेल्या खड्ड्यात बुडून मृत्यू झाला आहे. मंगळवारी सायंकाळी ही घटना घडली असून वाढदिवशीच हा प्रकार घडल्याने हळहळ व्यक्त होत आहे.
जुईनगरमधील मंगलप्रभू हॉस्पिटलजवळ इमारतीच्या बांधकामासाठी खोदलेल्या खड्ड्यातील पाण्यात राज सनगरे मित्रांसमवेत पोहण्यासाठी गेला होता. मंगळवारी त्याचा वाढदिवस असल्याने पार्टी केल्यानंतर दुपारी तीनच्या सुमारास राज पोहण्यासाठी पाण्यात उतरला; पण पोहता येत नसल्याने तो बुडाला. राजच्या मित्रांनी याबाबतची माहिती त्याच्या कुटुंबीयांना दिल्यानंतर नेरूळ पोलिस आणि अग्निशमन दलाच्या जवानांसह घटनास्थळी धाव घेतली. त्यानंतर राजचा मृतदेह बाहेर काढून रुग्णालयात पाठवण्यात आला. याप्रकरणी नेरूळ पोलिस ठाण्यात अकस्मात मृत्यूची नोंद आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com