सरावली ग्रामपंचायत हद्दीतील अनधिकृत बांधकामावर कारवाई.

अंगणवाडीसाठी राखीव
जागेवरील बांधकाम तोडले
तारापूर, ता. १० (बातमीदार) : पालघर महसूल विभागामार्फत सरकारी जागांवर अतिक्रमण करून बांधलेल्या बेकायदा बांधकामांवर कारवाईची मोहीम सुरू करण्यात आली आहे. सरावली ग्रामपंचायत हद्दीतील संजयनगर येथील अंगणवाडीसाठी राखीव असलेल्या जागेवर बेकायदा बांधलेल्या इमारतीवर बुधवारी महसूल विभागाने हातोडा चालवला.
बोईसर, सरावली, सालवड या ग्रामपंचायत हद्दीत मोठ्या प्रमाणात अनधिकृत इमारती आणि चाळींचे बांधकाम करण्यात आले आहे. यातील बहुतांश बांधकामे ही सरकारी जागेवर करण्यात आली आहेत. संजयनगर येथे अंगणवाडीसाठी राखीव जागेवर झालेल्या बांधकामावर बुधवारी बोईसर मंडळ अधिकारी मनीष वर्तक यांच्या उपस्थितीत कारवाई करण्यात आली. जिल्हा परिषद सदस्य पूर्णिमा धोडी यांनी याबाबत सतत पाठपुरावा केला होता.