शिरवणेमध्ये जुन्या घराची भिंत कोसळली

शिरवणेमध्ये जुन्या घराची भिंत कोसळली

नेरूळ, ता. ११ (बातमीदार) : आठवडाभरापासून कोसळणाऱ्या पावसाने बुधवारी नवी मुंबईत सुट्टी घेतल्याचे चित्र पाहावयास मिळाले. सायंकाळपर्यंत कोपरखैरणे वगळता पावसाची नोंद झाली नाही. दरम्यान, शिरवणेमध्ये जुन्या इमारतीची भिंत कोसळली; परंतु यामध्ये कोणीही जखमी झाले नाही. नवी मुंबईमधील बेलापूर, नेरूळ, वाशी, एरोली व दिघा विभागात दिवसभर पावसाने दडी मारली होती. केवळ कोपरखैरणे विभागात ०.४ मिमी पावसाची नोंद झाली. रविवार ते मंगळवार तीन दिवसांमध्ये १३४ मिमी पावसाची नोंद झाली होती. बुधवारी पावसाने दडी मारली होती. मोरबे धरण परिसरामध्ये ही पाऊस थांबला आहे. पाऊस नसल्यामुळे मुंबई कृषी उत्पन्न बाजार समितीमधील सर्व व्यवहार सुरळीत होते. भाजीपाला मार्केटमध्येही ग्राहकांची गर्दी पाहावयास मिळाली. शिरवणे गावामध्ये सायंकाळी साडेचार वाजण्याचे सुमारास जुन्या घराची भिंत कोसळली. या दुर्घटनेमध्ये कोणीही जखमी झाले नाही; मात्र दोन दुचाकींचे नुकसान झाल्याचे सांगण्यात आले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com