वाहतूक पोलिसांकडून खड्ड्यांची डागडुजी

वाहतूक पोलिसांकडून खड्ड्यांची डागडुजी
घाटकोपर, ता. ११ (बातमीदार) ः पावसाळ्यामध्ये खड्ड्यांमुळे अपघातामध्ये मोठ्या प्रमाणात वाढ होते. मानखुर्द टी जंक्‍शन येथे सायन-पनवेल महामार्गावर खड्ड्यांचे साम्राज्‍य पसरले आहे. रस्‍त्‍याच्या दयनीय अवस्‍थेकडे प्रशासनाचे दुर्लक्ष होत असताना वाहतूक पोलिसांनी येथील खड्डे बुजवून वाहनचालकांना दिलासा दिला. मानखुर्द टी जंक्शन सायन-पनवेल महामार्गावर पडलेल्‍या धोकादायक खड्ड्यांमुळे अपघाताची भीती वर्तवण्यात येत आहे. त्यामुळे सार्वजनिक बांधकाम विभागाने याकडे लक्ष देऊन खड्डे लवकरात लवकर बुजवावेत, अशी मागणी होत आहे.