लावणी कलावंत महासंघाचा माया जाधव यांना जीवनगौरव

लावणी कलावंत महासंघाचा माया जाधव यांना जीवनगौरव

लावणी कलावंत महासंघाचा माया जाधव यांना जीवनगौरव

धारावी, ता. ११ (बातमीदार) : मुंबई व महाराष्ट्रातील लावणी कलावंत आणि पडद्यामागील कलावंतांना एकत्र आणून १० वर्षांपूर्वी ‘लावणी कलावंत महासंघ’ची स्थापना करण्यात आली होती. कलाकारांचे अनेक प्रश्न सोडवण्यासाठी या महासंघाची र्निमिती केली होती. या महासंघाला १० वर्षे पूर्ण झाल्याबद्दल बुधवारी (ता. १०) दादरमधील शिवाजी मंदिरात वर्धापनदिन साजरा करण्यात आला. वर्धापनदिनानिमित्त शिंदे गटाच्या आमदार यामिनी जाधव, माजी आमदार बाबुराव माने, रवी भिलाने यांच्या उपस्थितीत नृत्यसमशेर माया जाधव यांना महासंघाच्या जीवनगौरव पुरस्काराने गौरवण्यात आले.
यावेळी तबलावादक गोविंद हडकर, पार्श्वगायिका राधा धारेश्वर, लावण्यवती आकांक्षा कदम, निर्माता बाळासाहेब आहिरे, शाहीर विठ्ठल कदम, पुरुष लावणी कलावंत प्रमोद कांदळकर, लोककलावंत बतावणी यशवंत शिंदे, निवेदक सूचित ठाकूर, नृत्य दिग्दर्शक किरण काकडे, नेपथ्यकार उल्हास सुर्वे यांना लावणी गौरव पुरस्काराने सन्मानित करण्यात आले. राजाराणी पुरस्काराने सुचित्रा चाळके व जयेश चाळके यांचा सन्मान करण्यात आला. यावेळी वयाच्या ७५ व्या वर्षीही माया जाधव यांनी लावणीवर नृत्य सादर करून रसिकांचे मन जिंकले, तर इतर पुरस्कार महासंघाच्या अध्यक्षा कविता घडशी, महासंघाचे संस्थापक अध्यक्ष संतोष लिंबोरे यांच्या हस्ते देण्यात आले.
कार्यक्रमाला विशाल सदाफुले, योगिता मोर्जे, विजय कर्जावकर आदी महासंघाचे पदाधिकारी, तसेच शहाजी काळे, चारुशिला गोलम, डॉ. कौतिक दांडगे, प्रवीण राणे, शिवाजी तोरणे, शिवाजी शिंदे आदी मान्यवर उपस्थित होते.
*******************
धारावी : नृत्यसमशेर माया जाधव यांना जीवनगौरव पुरस्काराने आमदार यामिनी जाधव आदींसह मान्यवरांच्या हस्ते गौरवण्यात आले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com