विद्यार्थ्यांकडील मोबाईलची जागा ‘एनआयई’ घेईल

अलिबाग, ता. २७ (बातमीदार) : मुलांच्या हातातील मोबाईल काढण्यास ‘एनआयई’ची फार महत्त्वाची भूमिका राहणार आहे. हा बदल एका रात्रीत होणार नसला तरी ‘एनआयई’ हे साप्ताहिक मुलांच्या मनावर खोलवर परिणाम घडवून आणेल. मुलांच्या हातातील मोबाईलची जागा ‘एनआयई’ घेईल आणि त्‍यांच्या गुणवत्तेत नक्‍की वाढ होईल, असा विश्‍वास अलिबाग नगर परिषदेच्या शहर समन्वयक आर्या जाधव यांनी व्यक्त केला.
अलिबाग शहरातील रामनाथ येथील नगर परिषदेच्या शाळा क्रमांक चारमध्ये ‘सकाळ एनआयई’तर्फे गणेशमूर्ती बनवण्याच्या कार्यशाळेचे नुकतेच आयोजन केले होते. या वेळी शाळेचे मुख्याध्यापक अंकुश गावंड, ॲड. हर्षल मोरे, प्रशिक्षक हिमालय चोरघे व शाळेतील शिक्षक व पालक उपस्थित होते.
‘सकाळ एनआयई’च्या माध्यमातून घेण्यात येणाऱ्या कार्यशाळेमुळे विद्यार्थ्यांच्या कल्पनाशक्तीला वाव मिळाला असून त्यांच्यातील एकजूट पाहायला मिळाली. मुलांच्या हातातील मोबाईल काढण्यास ‘एनआयई’ची भूमिका महत्त्वाची असून घराघरांत पुन्हा एकदा पेपर येण्यास सुरुवात झाली आहे. मध्यंतरी अनेक घरांत वर्तमानपत्र येत नसल्‍याने मुलांना अवांतर वाचनाची गोडीच राहिली नव्हती, मात्र आता त्यांना रुचेल, समजेल असे लेखन असलेले वर्तमानपत्र हातात मिळाल्‍यामुळे नक्कीच बदल घडून येईल, असा विश्वास जाधव यांनी व्यक्‍त केला.

पर्यावरणपूरक मूर्ती बनवण्यासाठी शाडूची माती लागते. मातीच्या गणेशमूर्ती सुकण्यास वेळ लागतो व वजनालासुद्धा जड असतात, तसेच मूर्तीही फार उंचीची बनवता येत नाही. त्यामुळे मागणी कमी असते, मात्र गेल्‍या काही वर्षांपासून पर्यावरणपूरक गणेशमूर्तींची मागणी वाढली आहे. शाडूच्या मातीपासून बनवलेली मूर्ती पाण्यात विरघळत असल्यामुळे पर्यावरणाला कोणतीही हानी पोहोचत नाही.
- हिमालय चोरघे, प्रशिक्षक-मूर्तिकार, कैलास कला निर्माण केंद्र, नागाव

‘सकाळ एनआयई’ने सुरू केलेला पर्यावरणपूरक गणेशमूर्ती कार्यशाळा हा उपक्रम फारच उपयुक्त आहे. ‘सकाळ’मध्ये प्रसिद्ध होणाऱ्या बातम्‍या, विविध विषयांवरील लेखांचा उपयोग स्पर्धा परीक्षांसाठीही होतो. शाळेतील मुलांना वाचनाची आवड निर्माण व्हावी, त्यांचा भविष्यकाळ उज्ज्वल व्हावा, यासाठी ‘सकाळ एनआयई’चे उपक्रम कौतुकास्पद आहेत.
- अंगाई साळुंखे, मुख्याधिकारी, अलिबाग नगर परिषद

अलिबाग ः प्रशिक्षक हिमालय चोरघे यांनी विद्यार्थ्यांना मार्गदर्शन केले.