कोकणीपाडा येथे ओव्हरहेड व्हायरवर झाड पडले-२ तास विद्युत गुल !

कोकणी पाड्यात वीज खंडित
ठाणे, ता. ३० (वार्ताहर) ः येथील कोकणीपाडा परिसरात एक मोठे झाड महावितरणच्या ओव्हरलोड वायरवर पडले. परिमाणी या परिसरात दोन तास वीजपुरवठा खंडित झाला होता. झाड पडल्याची घटना शुक्रवारी सकाळी ६.५० वाजण्याच्या सुमारास घडली.
संजय गांधी नॅशनल पार्क जवळ, कोकणी पाडा, टिकुजीनीवाडी, मानपाडा, ठाणे (प.) या ठिकाणी महावितरणच्या ओव्हरहेड वायरवरती एक मोठे झाड पडले. त्यामुळे या परिसरातील विद्युतपुरवठा खंडित झाला होता. महावितरणच्या कर्मचाऱ्यांनी पडलेले झाड बाजूला करत तुटलेल्या विद्युत वायरची दुरुस्ती केली. त्यानंतर वीजपुरवठा सुरळीत केला.