सरळगांव परिसराला चक्रीवादळाचा फटका

सरळगाव परिसराला चक्रीवादळाचा फटका
सरळगाव, ता. ९ (बातमीदार) : चक्रीवादळाचा फटका बसल्याने अनेक घरांचे नुकसान झाले आहे. तसेच, रात्रभर विद्युत पुरवठा खंडित झाल्याने उकाड्याने नागरिकांची झोप उडाली. मंगळवारी (ता. ८) रात्री सात वाजेपर्यंत पावसाची शक्यता नसताना रात्री नऊनंतर गडगडाटासह पावसाने सुरुवात केली. वादळी वाऱ्यामुळे अनेकांनी दरवाजे-खिडक्या बंद करून घरात बसणे पसंत केले. वाऱ्यामुळे अनेक ठिकाणी झाडे उमळून पडली. अनेक झाडे विद्युत वाहिनीवर पडल्याने पुरवठा खंडित झाला होता. तर, झाडे पडून अनेक वाहनांचे नुकसान झाले आहे; मात्र जीवितहानी कुठेही झाली नसल्याची माहिती तहसीलदार अभिजित देशमुख यांनी दिली.