चुरशीच्या लढाया कालिनामध्ये शिवसेना ठाकरे गटाची हॅट्रीक

चुरशीच्या लढाया

कलिनामध्ये शिवसेना ठाकरे गटाची हॅट्‌ट्रिक
मतदारसंघ- कलिना
विजयी उमेदवार- संजय पोतनीस, उबाठा
मताधिक्य - ५,००८
भाजपने प्रतिष्ठेची केलेल्या कलिना विधानसभा मतदारसंघात शिवसेना ठाकरे गटाचे उमेदवार संजय पोतनीस यांनी विजयाची हॅट्‌ट्रिक केली आहे. भाजपचे अमरजित सिंह यांच्या पाठीमागे भाजपने मोठी ताकद उभा केली होती. त्यामुळे संजय पोतनीस यांना विजय मिळणार का, असा प्रश्न होता.
मतमोजणीला सुरुवात झाल्यानंतर कधी अमरजित सिंह तर कधी पोतनीस आघाडी घेतानाचे चित्र होते. अनेकदा दोघांमधील मतांचा फरक अवघा ४००-५०० एवढा कमी होता; मात्र पोतनीस यांनी १५व्या फेरीनंतर पुढील दोन फेरीत जोरदार मुसंडी मारत तब्बल पाच हजारांहून अधिक मतांची आघाडी घेत विजयावर शिक्कामाेर्तब केला. त्यांनी २०१४ आणि २०१९च्या निवडणुकीत विजय मिळवला होता.

अंतिम चित्र
विजयी उमेदवार- संजय पोतनीस, शिवसेना (उबाठा)
मते- ५९,८२०
पराभूत उमेदवार- अमरजित सिंह, भाजप
मते- ५४,८१२