उटावली येथे मृदा संवर्धनाची सामूहिक प्रतिज्ञा

विक्रमगड (बातमीदार) : तालुक्यातील उटावली येथे जागतिक मृदा दिन उत्साहात साजरा करण्यात आला. या कार्यक्रमाची सुरुवात सरपंच संगीता महाले यांच्या हस्ते झाले. ग्रामपंचायत सदस्य संदीप भोये, विलास भोये, महेश भुसारा, अजित ठाकरे, प्रमिला गोरखणे, आशा गवळी, पी. एस. सांबर व कृषी सहाय्यक राजेश बुंधे उपस्थित होते. मृदेचे महत्त्व, जमिनीची सुपीकता, सेंद्रीय खतांचा वापर याविषयी मार्गदर्शन कृषी अधिकारी यांनी सुनील पारधी केले. अकांक्षित तालुका कार्यक्रम समन्वयक शीतल भांगरे यांनी पंतप्रधान किसान, मृद आरोग्यपत्रिका माती परीक्षण, शेतकरी उत्पादक कंपनी स्थापन करणे आदींबाबत मार्गदर्शन केले. मृदेचे आरोग्य, संवर्धन आणि रक्षण करण्याची सामूहिक प्रतिज्ञा पी. एस. सांबर यांनी घेतली. या वेळी मोठ्या संख्येने शेतकरी उपस्थित होते.