भिवंडीत ११० ग्रॅम एमडी जप्त

भिवंडीत ११० ग्रॅम एमडी जप्त
भिवंडी, ता. ७ (वार्ताहर) : भिवंडीत वागळे इस्टेट ठाणे गुन्हे शाखा विभागाने ११० ग्रॅम वजनाचा ११ लाख २२ हजार २०० रुपयांचा एमडी अमली पदार्थ बाळगणाऱ्या व्यक्तीला अटक केली आहे. अहमद शकील अहमद मलीक उर्फ सोनू (वय ३९) असे आरोपीचे नाव आहे. तो समदनगर, कणेरी येथे राहणारा आहे. वागळे इस्टेट ठाणे येथील गुन्हे शाखेच्या पथकाला भिवंडीतील विशाल लॉज या ठिकाणी एमडी घेऊन एक व्यक्ती येणार असल्याची माहिती मिळाली. त्यानंतर पोलिस पथकाने त्या ठिकाणी सापळा रचून अहमद शकील अहमद मलीक उर्फ सोनू यास ताब्यात घेतले. त्याच्याजवळ हा मुद्देमाल आढळून आला आहे. याप्रकरणी निजामपूर पोलिस ठाण्यात गुन्हा नोंद करून अहमद शकील मलीक यास अटक केली आहे, तर फरार रवीशचा शोध वागळे इस्टेट ठाणे गुन्हे शाखेचे पोलिस करीत आहेत.