वज्रेश्वरीत उद्योजकता जागृती कार्यक्रम

वज्रेश्वरीत उद्योजकता जागृती कार्यक्रम
वज्रेश्वरी ता. ७ (बातमीदार) : प्रसाद चिकित्सा धर्मादाय संस्था, गणेशपुरीमार्फत कृषी विभाग वसई व पंचायत समितीच्या साह्याने शेतकरी व बचत गटातील महिलांसाठी अंबोडे येथे नुकतेच उद्योजकता जागृती कार्यक्रमाचे आयोजन केले होते. यामध्ये दोन्ही विभागाच्या अधिकाऱ्यांनी मार्गदर्शन केले. शेतकरी व महिलांमध्ये उद्योगाची आवड निर्माण व्हावी, शेतीपूरक उद्योग, प्रक्रिया उद्योग व नैसर्गिक साधनसंपत्तीवर आधारित उद्योग निर्माण होण्यासाठी प्रसाद चिकित्सा विविध कार्यक्रमाचे आयोजन करीत असते. आंबोडे येथे कृषी विभाग व पंचायत समिती वसईच्या साह्याने शेतकरी व गटातील महिलांसाठी उद्योजकता जागृती कार्यक्रमाचे आयोजन केले होते. या कार्यक्रमाचे मार्गदर्शक नामदेव पाटील यांनी प्रक्रिया उद्योग कसे करायचे, शासकीय योजना आणि बाजारपेठ यावर सखोल असे मार्गदर्शन केले, तसेच कृषी अधिकारी रोहन संखे यांनी शेतीपूरक व्यवसाय, रोजगार हमी योजनेबद्दल माहिती दिली. या कार्यक्रमासाठी एकूण ४० शेतकरी व महिला उपस्थित होत्या.