सोनाराच्या दुकानावर गोळीबार करणाऱ्या दोघांना अटक

सोनाराच्या दुकानावर गोळीबार करणाऱ्या दोघांना अटक
पडघा, ता. ७ (बातमीदार) : शहापूर येथील सोनाराच्या दुकानावर चोरीच्या उद्देशाने गोळीबार करून सोनाराची बॅग घेऊन पळून गेलेल्या दोन जणांना अटक करण्यात ग्रामीण पोलिसांना यश आले आहे.
पंडित नाका, शहापूर येथील महालक्ष्मी ज्वेलर्स या सोनाराच्या दुकानावर २१ डिसेंबर रोजी चोरीच्या उद्देशाने दुचाकीवरून आलेल्या दोघांनी गोळीबार करून सोनाराची बॅग घेऊन पळ काढला. या गोळीबारात दुकानात काम करणारा दिनेश चौधरी या तरुणाचा मृत्यू झाला. या गुन्ह्याचे गांभीर्य लक्षात घेऊन तपासासाठी पोलिस अधीक्षक डॉ. डी. एस. स्वामी, अपर पोलिस अधीक्षक भरत तांगडे, उपविभागीय पोलिस अधिकारी मिलिंद शिंदे यांच्या मार्गदर्शनाखाली पोलिसांची १२ पथके तयार करण्यात आली होती. यामध्ये सीसीटीव्ही फुजेट, गुप्त बातमीदार व तांत्रिक तपासाच्या आधारे शशांक ऊर्फ सोनू बलराम मिश्रा (वय ३२, रा. उत्तर प्रदेश), तौसीफ आलम कबीरुद्दीन सिद्धकी (वय ३५, रा. सिरोही, उत्तर प्रदेश) येथून ताब्यात घेऊन चौकशी केली असता, त्यांनी या गुन्ह्याची कबुली दिली. दोन्ही आरोपींना न्यायालयात हजर केले असता न्यायालयाने आरोपींना १३ जानेवारीपर्यंत पोलिस कोठडीत दिल्याची माहिती पोलिसांनी दिली.