ऐतिहासिक, पौराणिक देखाव्यांवर भर

ऐतिहासिक, पौराणिक देखाव्यांवर भर
पनवेल, ता. १० (बातमीदार) : पनवेल शहरासह वसाहतींमधून ठिकठिकाणी मोठ्या उत्साहात शिवजयंती साजरी झाली. आयोजकांनी ऐतिहासिक, पौराणिक देखाव्यांवर या वेळी भर दिल्‍याचे दिसून आले.
जिजाऊंच्या लेकींनी हातात घेतलेली मशाल, पारंपरिक कपडे, शिवगर्जनेचा जयघोष आणि जोडीला शाहिरांच्या स्वरांच्या वातावरणामुळे अवघा पनवेल परिसर दुमदुमून गेला. पारंपरिक वेशभूषेत शिवभक्तांनी गर्दी केल्यामुळे शिवाजी चौकात वातावरण शिवमय झाले होते. पनवेलमध्ये छत्रपती शिवाजी ‘महाराज की जय’च्या जयघोषात, ढोल ताशांच्या गजरात पनवेल महापालिकेच्या माध्यमातून छत्रपती शिवाजी महाराजांची भव्य मिरवणूक काढण्यात आली.