मुलुंडमध्ये ‘देणे समाजाचे’ महोत्‍सव

मुलुंडमध्ये ‘देणे समाजाचे’ महोत्‍सव
मुलुंड, ता. २५ (बातमीदार) ः महाराष्‍ट्र सेवा संघ, मुलुंड पश्‍चिम येथे ‘देणे समाजाचे’ महोत्‍सवाचे आयोजन शनिवार (ता. १), रविवार (ता. २) रोजी करण्यात आले आहे. ‘आर्टिस्ट्री’ या व्यासपीठाच्या माध्यमातून वेगवेगळ्या क्षेत्रातल्या सामाजिक संस्थांच्या कार्याची ओळख प्रदर्शनाच्या माध्यमातून समाजाला करून दिली जाते. तसेच त्यांना आर्थिक तसेच इतर मदत मिळवून दिली जाते. २००५ ते २०२४ या कालावधीत जवळपास २८० सामाजिक संस्था या उपक्रमाच्या माध्यमातून समाजापर्यंत पोहोचल्या. सहभागी संस्थांकडून कोणतेही शुल्क आकारणी न करता हा भव्य उपक्रम गेली २० वर्षे राबवला जात आहे. अतिशय काटेकोरपणे, स्वतः भेट देऊन, पारखून संस्‍थांची निवड केली जाते. हे प्रदर्शन पाहण्यासाठी कोणतेही प्रवेशशुल्क नाही. या महोत्‍सवात सहभागी व्हावे, असे आवाहन वीणा गोखले यांनी केले आहे.