अभियंता फसवणूक प्रकरणी गुन्हा

ठाणे शहर, ता. २५ (बातमीदार)ः ट्रेडिंगमध्ये ऑनलाइन पैसे गुंतविण्याच्या प्रलोभनातून आयटी क्षेत्रातील अभियंत्याला १.२० कोटींचा गंडा घालण्यात आला होता. याप्रकरणी कोपरी पोलिस ठाण्यात गुन्हा दाखल करण्यात आला आहे.
कोपरी भागात राहणारे ५५ वर्षीय व्यक्ती आयटी क्षेत्रात कार्यरत आहे. ट्रेडिंगमध्ये पैसे गुंतवण्याची जाहिरात त्यांनी पाहिली होती. चांगला नफा मिळेल, या आशेने त्यांनी सुरुवातीला काही रक्कम गुंतवली. त्यांना ४० ते ५० हजारांचा नफा झाला. त्यामुळे आपण पैसे कमवू शकतो, असा समज झाल्याने जवळपास लाखोंची गुंतवणूक केली; पण गुंतवलेल्या पैशांवरील नफा काढता येत नसल्याने फसवणूक झाल्याचे लक्षात आल्याने याप्रकरणी तक्रार दाखल केली.