बेकायदा बांधकामप्रकरणी चौघांवर गुन्हा

कल्याण, ता. २५ (वार्ताहर) : कल्याण-डोंबिवली महापालिका क्षेत्रातील आय प्रभागात बेकायदा बांधकामे झाली आहेत. याप्रकरणी अधीक्षकांच्या तक्रारीनंतर हिललाइन पोलिस स्टेशनमध्ये चौघांवर एमआरटीपीअंतर्गत गुन्हा दाखल करण्यात आला आहे.
केडीएमसी आय प्रभागाचे अधीक्षक शंकर जाधव यांनी दिलेल्या फिर्यादीनुसार आय प्रभागातील बाळकृष्ण फुलोरे, मंगेश फुलोरे, सुनील राणे, सचिन म्हात्रे यांनी श्रीमलंग रोड, पुंडलिक म्हात्रे शाळेच्या मागील बेकायदा चाळींच्या बांधकामाची कागदपत्रे सादर करण्याबाबत पालिका अधिनियम, १९४९चे कलम २६० व २६७ (१) अन्वये नोटीस दिली होती. याबाबतची कोणतीही कागदपत्रे सादर केली नसल्याने हिललाइन पोलिस स्टेशनमध्ये गुन्हा दाखल केला आहे.