रेल्वेच्या धडकेत दोघांचा मृत्यू

शहापूर, ता. ४ (बातमीदार): कल्याण-कसारा मार्गावर दोन वेगवेगळ्या घटनांमध्ये दोघांचा मृत्यू झाला आहे. पहिल्या घटनेत मुंबई नांदेड नंदीग्राम एक्स्प्रेसमध्ये प्रवासादरम्यान एकाचा नैसर्गिक मृत्यू झाला तर दुसऱ्या घटनेत खर्डीजवळ एका कामगाराचा मृत्यू झाला आहे.
मुंबई येथून नांदेडकडे निघालेले सुहास जाधव प्रवासादरम्यान नंदीग्राम एक्स्प्रेसमध्ये बेशुद्ध पडले होते. त्यांना तातडीने कसारा प्राथमिक आरोग्य केंद्रात उपचारांसाठी दाखल करण्यात आले. पण डॉक्टरांनी त्यांना मृत घोषित केले. तर दुसऱ्या घटनेत मध्यरात्री काळू डोमारला (रा.मध्यप्रदेश) रुळावर काम करत असताना भरधाव आलेल्या मुंबई हावडा एक्स्प्रेसने धडकेत मृत्यू झाला आहे. दोन्ही घटना रविवारी घडल्या आहेत.