मोतीलाल नगर रहिवाशांचे म्‍हाडाविरोधात धरणे आंदोलन

मोतीलालनगर रहिवाशांचे म्‍हाडाविरोधात धरणे आंदोलन
मुंबई, ता. ९ : गोरेगावात मोतीलालनगर पुनर्विकास प्रकल्प राबवताना म्हाडा मनमानी कारभार करीत असल्याच्या निषेधार्थ आज (ता. ९) मोतीलालनगरच्या रहिवाशांनी धरणे आंदोलन केले.
जनकल्याणकारी समिती, मोतीलालनगर रहिवासी विकास संघ, मोतीलालनगर पुनर्विकास समिती यांच्या तर्फे हे आंदोलन करण्यात आले. नवीन घरांच्या चाव्या दिल्या तरच आम्ही जुन्या घरांचा ताबा देऊ. आम्ही पुनर्वसन शिबिरात जाणार नाही. मोतीलालनगरमध्ये उपलब्ध असलेल्या मोकळ्या मैदानात नवीन घरे बांधावीत. दोन हजार चौरस फूट क्षेत्रफळाची नवी घरे मिळावीत. त्यात सर्व आधुनिक सोयी-सुविधा असाव्यात, २५ लाख रुपये कॉर्पस फंड मिळावा, प्रत्येक घराला दोन वाहनतळ मिळावेत, धार्मिक स्थळांचे योग्य ठिकाणी पुनर्वसन व्हावे, अशा रहिवाशांच्या मागण्या आहेत.