होळीत नैसर्गिक रंगांची उधळण करा!

होळीत नैसर्गिक रंगांची उधळण करा!
धारावी, ता. १२ (बातमीदार) : होळीचा आणि रंगपंचमीचा सण मुंबईकर उत्‍साहात साजरा करणार आहेत. ग्राहकांना आकर्षित करण्यासाठी विविध प्रकारच्या रासायनिक रंगांनी बाजारपेठा फुलून गेल्या आहेत. परंतु रासायनिक किंवा रसायनमिश्रित रंग न वापरता नैसर्गिक रंगांची उधळण करावी अथवा नैसर्गिक रंग वापरावे, असे आवाहन पक्ष्यांच्या संरक्षण व संवर्धनासाठी काम करणाऱ्या स्पॅरोज शेल्टर या संस्थेने नागरिकांना केले आहे.
रसायनमिश्रित रंगांऐवजी हळद, झेंडूची, पळसाची फुले, बेसन, मेंदी, कडुलिंबाचा पाला, मायाळू, कांद्याची साल, पांगारा, बिट यापासून घरच्या घरी नैसर्गिक रंग तयार करून रंगपंचमी साजरी करावी, असे आवाहन स्पॅरोज शेल्टरचे अध्यक्ष प्रमोद माने यांनी केले आहे. कुठेही जखमी पक्षी आढळ्यास अथवा चिमण्यांसाठी कृत्रिम घरटी हवी असल्यास ९८६७६३३३५५ या मोबाईल क्रमांकावर संपर्क साधावा, असे संस्थेने आवाहन संस्‍थेने केले आहे.