मुंबई-अहमदाबाद महामार्गावर कारचा अपघात

मुंबई-अहमदाबाद महामार्गावर कारचा अपघात
कासा, ता. १४ (बातमीदार) : मुंबई-अहमदाबाद महामार्गावर आंबोली गावच्या हद्दीत हॉटेल काठीयावाडीसमोर शुक्रवारी (ता. १४) सकाळी सव्वाअकरा वाजण्याच्या सुमारास एका कारचा अपघात झाला. सुदैवाने या अपघातात कोणालाही दुखापत झाली नाही.
मुंबईहून गुजरातच्या दिशेने जात असताना महामार्गावरील दुभाजकाच्या सिमेंटच्या बॅरिकेडला ही कार धडकली. अपघातानंतर स्थानिक पोलिसांनी आणि महामार्ग प्रशासनाने घटनास्थळी धाव घेत अपघातग्रस्त वाहन रस्त्याच्या कडेला हलवले. त्यामुळे महामार्गावरील वाहतूक काही वेळातच सुरळीत करण्यात आली. ही घटना कासा पोलिस ठाण्याच्या हद्दीत घडली असून, या महामार्गावर नियोजन न करता दुरुस्तीची कामे सुरू असून, रस्त्यांवर कोणताही सूचनाफलक न लावता सिमेंट बॅरिकेड ठेवल्यामुळे असे अपघात होत असल्याचे स्थानिकांनी सांगितले.