दुचाकी अपघातात मामा भाच्याचा मृत्यू

दुचाकी अपघातात मामा- भाच्याचा मृत्यू
बोळिंज, ता. १४ (बातमीदार) : वसईजवळील भिणार गावातील मामा आणि भाच्याचा अपघाती मृत्यू झाल्याची घटना शुक्रवारी (ता. १४) घडली. प्रल्हाद माळी (वय २५) हे आपला भाचा मनोज जोगारी (वय २०) यांच्यासह होळी दहन करून घरी येत असताना त्यांच्या दुचाकीचा अपघात झाला. या अपघातात हे दोघांचा जागीच मृत्यू झाला. मुंबई-अहमदाबाद महामार्गावर भारोळ येथे हा अपघात झाला. प्रल्हाद व मनोज हे होळी दहनाचा कार्यक्रम पाहण्यासाठी ढेकाले येथे गेले होते; होळीचा कार्यक्रम आटोपल्यानंतर ते दुचाकीवरून घरी परत येत असताना त्यांची दुचाकी मुंबई- अहमदाबाद महामार्गावर भरोळ गावाजवळ आली होती. त्यावेळी त्यांचे दुचाकीवरील नियंत्रण सुटले व ही दुचाकी संरक्षण भिंतीला धडकली. या धडकेत त्यांचा जागीच मृत्यू झाला आहे.