जाग्रवी सातपुतेचे परीक्षेत सुयश

जाग्रवी सातपुतेचे परीक्षेत सुयश
किन्हवली (बातमीदार)ः ग्रामीण भागातील विद्यार्थ्यांची शैक्षणिक गुणवत्ता वाढावी, यासाठी एड्यूमीट अकॅडमी पहिली ते आठवीच्या मराठी माध्यमातील विद्यार्थ्यांसाठी दरवर्षी जानेवारीत भारत टॅलेंट सर्च अर्थात बीटीएस स्पर्धा परीक्षा घेत असते. या स्पर्धेसाठी शहापूर तालुक्यातील अल्याणी शैक्षणिक केंद्रातील अस्नोली येथील जिल्हा परिषदेच्या उच्च माध्यमिक शाळेतील सुमारे ९५ विद्यार्थी प्रविष्ट झाले होते. या परीक्षेत जाग्रवी सातपुतेने १५० पैकी १४८ गुण मिळवून राज्यात दुसरा क्रमांक पटकावला आहे. शहापूर तालुका बीटीएस परीक्षा समन्वयक ज्योती बेलवले, मुख्याध्यापक अरुण शिर्के, सहशिक्षिका सरीता पाटील यांच्या मार्गदर्शनाखाली विद्यार्थ्यांनी यश संपादन केले.