मुलुंडमधील शालेय परिसर तंबाखूमुक्त करण्याचा निर्धार

मुलुंडमधील शालेय परिसर तंबाखूमुक्त करण्याचा निर्धार
मुलुंड, ता. १८ (बातमीदार) ः परिमंडळ सातचे पोलिस उपायुक्त विजयकांत सागर यांच्या मार्गदर्शनाखाली १०० मीटर शालेय परिसर तंबाखूमुक्त करण्याच्या उद्देशाने एक महत्त्वपूर्ण उपक्रम राबवला जात आहे. या उपक्रमांतर्गत नवघर पोलिस ठाण्याच्या अंतर्गत येणाऱ्या १० शाळा आणि आठ महाविद्यालयांमधील १०० मीटर परिसर तंबाखूमुक्त करण्यात आले आहेत.
हा उपक्रम विद्यार्थ्यांच्या शारीरिक आणि मानसिक आरोग्याच्या दृष्टीने अत्यंत महत्त्वाचा आहे. शालेय परिसरात तंबाखूजन्य पदार्थांचा वापर बंद केल्याने विद्यार्थ्यांचे स्वास्थ्य संरक्षित राहील, तसेच शालेय वातावरण अधिक सुरक्षित आणि निरोगी बनेल. तंबाखूच्या दुष्परिणामांविषयी जागरूकता निर्माण होऊन युवा पिढीला त्याचे गंभीर परिणाम समजून येतील. या उपक्रमाचे नेतृत्व नवघर पोलिस ठाण्याचे वरिष्ठ पोलिस निरीक्षक सुरेश मदने, महिला पोलिस उपनिरीक्षक धनश्री कदम, मिल स्पेशल संदीप पाटील, सामाजिक कार्यकर्त्या मयुरा बाणवली यांनी केले.