रिक्षाच्या धडकेत दुचाकीस्वार जखमी

रिक्षाच्या धडकेत दुचाकीस्वार जखमी
भिवंडी, ता.१८ (बातमीदार): भिवंडी अंजूर मार्गावरील मेट्रो ब्रिज खालून घरच्या दिशेने निघालेल्या दुचाकीचालक रिक्षाने दिलेल्या धडकेत जखमी झाला आहे. सोमवारी दुपारी ही घटना घडली असून याप्रकरणी नारपोली पोलिस ठाण्यात गुन्हा दाखल आहे.
दरगाह रोड येथे राहणार अब्दुल वाहिद शेख (५२) मंगळवारी (ता.१७)दुपारी भिवंडी अंजूर ब्रीज खालून दुचाकीवर घरच्या दिशेने निघाले होते. यावेळी वाहतुकीच्या नियमांकडे दुर्लक्ष करत रिक्षाचालक इरशादने अब्दुलच्या दुचाकीला डाव्या बाजूने धडक दिली होती. या अपघातात अब्दुल गंभीर जखमी झाला आहे. त्यांना उपचारासाठी खासगी रुग्णालयात दाखल करण्यात आले आहे. या प्रकरणी अब्दुल यांचा मुलगा अदनानच्या फिर्यादीवरून गुन्हा दाखल करण्यात आला आहे.