हरवलेलं ऐवज मूळ मालकांना सुपुर्द

हरवलेला ऐवज मूळ मालकांना सुपूर्द
मुलुंड, ता. २५ (बातमीदार) ः मुलुंड पश्चिमेतील रहिवासी शकुंतला रमेश जाधव (६५) यांचा मोबाईल जानेवारी महिन्यात प्रवासादरम्यान हरवला होता. तांत्रिक तपास आणि गुप्त बातमीदारांच्या मदतीने मोबाईल परत मिळवण्यात पोलिसांना यश आले. शनिवारी (ता. २२) हरवलेले १० मोबाईल तक्रारदारांना परत करण्यात आले. मोबाईल वितरण कार्यक्रम परिमंडळ सातचे पोलिस उपायुक्त विजयकांत सागर, सहाय्यक पोलिस आयुक्त संदीप मोरे, वरिष्ठ पोलिस निरीक्षक अजय जोशी, पोलिस निरीक्षक प्रमोद कोकाटे यांच्या उपस्थितीमध्ये पार पडला. या कामगिरीसाठी मुलुंड सायबर सेलचे पोलिस उपनिरीक्षक अमोल बोरसे आणि शिवानंद आपुणे व त्यांच्या पथकांनी विशेष मेहनत घेतली.