पुनर्विकास प्रोत्साहनासाठी आता मार्गदर्शन शिबिर
नवी मुंबई महापालिकेचा पुढाकार; रहिवाशांना होणार लाभ
वाशी, ता. १० (बातमीदार) ः नवी मुंबई शहरातील सिडकोकालीन असणाऱ्या इमारती जीर्ण होऊ लागल्या असून, अतिधोकादायक झाल्या आहेत. त्यामुळे जीर्ण झालेल्या इमारतींना मोठ्या प्रमाणात पुनर्विकासाचे वेध लागले आहेत. शहरात आतापर्यंत राजकीय प्रतिनिधी तसेच सामाजिक संस्थांच्या वतीने पुनर्विकासासाठी मार्गदर्शन शिबिरांचे आयोजन करण्यात येत होते, मात्र आता नवी मुंबई महापालिकाच पुनर्विकासाच्या मार्गदर्शन शिबिराचे आयोजन करणार आहे. त्यामुळे याचा लाभ सर्वसामान्य रहिवाशांना होणार आहे. तसचे विकसकांकडून होणारी फसवणूक रोखण्यात यश येणार आहे.
नवी मुंबई महापालिकेने नुकतीच यंदाच्या आर्थिक वर्षातील वसुलीची आकडेवारी जाहीर केली. पालिकेच्या इतिहासात प्रथमच सर्वाधिक ८२६.१२ कोटी मालमत्ता कराची वसुली झाली आहे. त्यात पालिकेच्या उत्पन्नात पुनर्विकास प्रकल्पांच्या परवानगीमुळे तब्बल ७८ कोटी वाढीव उत्पन्नाची भर पडली. तसेच आगामी पाच वर्षांत शहरातील पुनर्विकास प्रकल्पांमुळे पालिकेच्या उत्पन्नात सातत्याने वाढ होईल, अशी खात्री नगररचना विभागाने व्यक्त केली आहे. त्यामुळे पालिकेच्या उत्पन्नाच्या वाढत्या आलेखाला पुनर्विकास प्रकल्पांची साथ लाभणार असल्याचे चित्र आहे. त्यामुळे शहरात ३० वर्षे पूर्ण झालेल्या व ३० वर्षे पूर्ण होऊ घातलेल्या इमारतींच्या पुनर्विकासचे वेध रहिवाशांना लागले आहेत.
....................
विक्री प्रदर्शनात प्रतिसाद
नवी मुंबई शहरात झपाट्याने विकास होत असताना वाशी, नेरूळ, कोपरखैरणे, बेलापूर अशा विविध विभागात पुनर्विकास प्रकल्पांना सुरुवात झाली आहे. ३० वर्षे झालेल्या इमारतीमधील रहिवाशांनी पुनर्विकासाची धडपड सुरू केली असून, विविध संस्थांमार्फत मार्गदर्शन शिबिरांचे आयोजन करण्यात येत आहे. महापालिकेने शहरात विकसकांमार्फत सीवूड्स येथे झालेल्या गृहविक्री प्रदर्शनात पुनर्विकासाबाबत माहिती देणारे एक स्टॉल उभारले होते. त्या स्टॉलला अनेक नागरिकांनी भेट दिली होती. त्यामुळे पुनर्विकासाबाबत माहिती देण्यासाठी पालिका मार्गदर्शन शिबिर आयोजित करण्याच्या तयारीत आहे.
....................
नवी मुंबईत सध्या पुनर्विकास प्रकल्प होत आहे. या पुनर्विकासाबाबत योग्य मार्गदर्शन होण्यासाठी पालिकेच्या वतीने लवकरच मार्गदर्शन शिबिराचे आयोजन करण्यात येणार आहे.
-सोमनाथ केकाण, सहाय्यक नगररचना संचालक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.