टाकाऊ कपड्यातून रोजगाराचे साधन

सकाळ वृत्तसेवा
ठाणे, ता. १३ ः ट्रेंडी कपडे घेण्याच्या नादात जुने कपडे अडगळीत पडतात. याला पर्याय म्हणून ठाण्यातील ट्री मॅनने ‘थ्रेड टू ट्रेंड’ या उपक्रमातून जुन्या कपड्यांना नवे रूप देताना गरजू महिलांना रोजगाराचे साधनही उपलब्ध करून दिले आहे.
ठाण्यात शेकडो टनांनी कापडी कचरा जमा होत असून त्यांच्या विल्हेवाटीचा प्रश्न जटिल झाला आहे. अशातच कामावरून घरी जाणाऱ्या विजयकुमार कट्टी यांनादेखील मोठ्या प्रमाणावर फेकलेले कपडे दिसून आले. हा कपडा तयार होण्यासाठी वापरलेली नैसर्गिक संसाधने, पाणी, कापूस, ऊर्जा आणि मानवी श्रम वाया जात असल्याने जुन्या जीन्स आणि कापड्यामधून काहीतरी नवे साकारण्याचा निर्धार कट्टी यांनी केला. यातूनच जुने कपडे दान करा, असे आवाहन त्यांनी केले होते. त्यांच्या या कामासाठी अनेकांचा हातभार लागत आहे.
---------------------------------------------------
विद्यार्थ्यांसाठी बॅग्सची निर्मिती
कट्टी यांनी स्थानिक कलाकारांच्या एका टीमने कपडे पाहून डिझाइन्स तयार केली. झिप, बटण, पॉकेट्स काळजीपूर्वक वेगळे केले. पुन्हा वापरासाठी ठेवले. मुख्य कापडाचा वापर करून शॉपिंग, कॉलेज, महिलांसाठी हँडबॅग्स, विद्यार्थ्यांसाठी बॅग्सची निर्मिती केली जाते.