खाडीकिनारी आढळला तरुणाचा मृतदेह

कळवा, ता. १३ (बातमीदार)ः खारेगाव रेतीबंदर खाडीकिनारी गणपती विसर्जन घाटाजवळ ४० वर्षीय तरुणाचा मृतदेह आढळला. रविवारी (ता. १३) सकाळी साडेआठच्या सुमारास ही घटना घडली.
रेतीबंदर खाडी परिसरात एका तरुणाचा मृतदेह असल्याची माहिती स्थानिकांनी कळवा पोलिसांना दिली होती. त्याआधारे घटनास्थळी पाहणी करून कळवा पोलिस, अग्निशमन दलाच्या जवान, तसेच आपत्ती व्यवस्थापन कक्षाच्या कर्मचाऱ्यांनी घटनास्थळावरून मृतदेह बाहेर काढून कळव्यातील छत्रपती शिवाजी महाराज रुग्णालयात उत्तरीय तपासणीसाठी पाठवला आहे.