आंबेघर येथे बंधाऱ्याचे भूमिपूजन

वज्रेश्वरी (बातमीदार) : मौजे-आंबेघर (पाटीलपाडा) येथे अनेक वर्षांपासून गावाच्या बाजूला नदी असूनसुद्धा पाणी अडवले जात नव्हते. त्यामुळे बारमाही शेतीसाठी पाणी नसल्याने गावकऱ्यांनी सरकारी यंत्रणांकडे येथे बंधारा बांधण्याची मागणी केली होती. अखेर रोटरी क्लब ऑफ बॉम्बे एअरपोर्ट, रोटरी क्लब ऑफ बॉम्बे महाकाली हाईट्स अंधेरी, इनरव्हील क्लब व ए.पी.एस. सोशल वेल्फेअर अँड युथ एम्पॉवरमेंट फाउंडेशनच्या संयुक्त विद्यमाने महावीर जयंतीला येथे बंधाऱ्याचे भूमिपूजन करण्यात आले. या वेळी रोटरी क्लब ऑफ बॉम्बे महाकाली हाइटचे अध्यक्ष सुनील आनंद, रोटरी क्लब बॉम्बे एअरपोर्टचे अध्यक्ष अपूर्वजी पटेल, इनरव्हील क्लबच्या अध्यक्षा बिनाजी जरीवाला यांनी बंधारा बांधण्यासाठी पुढाकार घेतला. या वेळी आमदार हरिश्चंद्र भोये, ज्योती भोये, सुरेखा थेतले यांच्या हस्ते बंधाऱ्याचे भूमिपूजन करण्यात आले.