साई मंदिराचा वर्धापनदिन

साई मंदिराचा वर्धापनदिन
जोगेश्‍वरी, ता. १३ (बातमीदार) ः गोरेगाव पूर्वेतील बिंबीसार नगरातील साई सेवा मंडळातर्फे साई मंदिराच्या वर्धापनदिनानिमित्त विविध कार्यक्रमांचे आयोजन केले होते. या वेळी ‘युग स्त्रिया’ हा आगळावेगळा कार्यक्रम सादर करण्यात आला. यामध्ये राजमाता जिजाऊ, पुण्यश्लोक अहिल्याबाई, झाशीची राणी, आनंदी बाई-गोपाळराव, सावित्रीबाई फुले, किरण बेदी, सिंधूताई सपकाळ, बहिणाबाई चौधरी, लता मंगेशकर अशा विविध भूमिका स्त्रियांनी साकारल्या. पुढच्या पिढीला आपला इतिहास समजावा, यासाठी सादर केलेल्‍या हा आगळ्या-वेगळ्या कार्यक्रमाला उपस्थितांनी दाद दिली. तसेच या मंदिरात हनुमान जयंतीनिमित्त भंडाऱ्याचे आयोजन केले हाेते. स्‍थानिकांनी रांग लावून दर्शनाचा लाभ घेतला, अशी माहिती सामाजिक कार्यकर्ते शिवाजी खैरनार यांनी दिली.