पश्चिम रेल्वेची वाहतूक विस्कळित

पश्चिम रेल्वेची वाहतूक विस्कळित

पालघर, ता. १५ (बातमीदार) : पश्चिम रेल्वेच्या सफाळे आणि कळवे रोड या रेल्वेस्थानकांदरम्यान बिकानेर एक्स्प्रेसच्या इंजिनमध्ये मंगळवारी (ता. १५) सायंकाळी बिघाड झाला. त्यामुळे गुजरातकडे जाणारी रेल्वेसेवा विस्कळित झाली; या इंजिनमधील बिघाड दुरुस्त झाल्यानंतर ही गाडी सायंकाळी सव्वा पाच वाजता मार्गस्थ करण्यात आली. मुंबईहून गुजरातकडे जाणाऱ्या बिकानेर एक्स्प्रेसच्या इंजिनमध्ये सफाळे-केळवे रोड रेल्वेस्थानकांदरम्यान मंगळवारी (ता. १५) दुपारी साडेतीनच्या सुमारास बिघाड झाल्याने ही गाडी जागीच थांबली. परिणमा डहाणू व पुढे गुजरातकडे या वेळेत धावणाऱ्या उपनगरी रेल्वेसह लांब पल्ल्याच्या सेवा जवळपास अर्धातास ठप्प झाल्या. तरी मुंबईकडे जाणारी सेवा सुरळीत सुरू होती. इंजिनमधील बिघाड दुरुस्त केल्यानंतर बिकानेर एक्स्प्रेस सव्वा पाच वाजता गुजरातकडे रवाना करण्यात आली; त्यानंतर यामार्गावरील सेवा सुरळीत सुरू झाल्या.